ليس من اجل هؤلاء فقط سيحاسب

ليس من اجل هؤلاء فقط نريد محاسبة مبارك جنائيا ... فهو ليس مسئولا فقط عن من قتل فى احداث الثورة بل مسئول عن كل من قتل بسبب فسادة وفساد نظامة فى عهدة المباركى بما ان افة الشعب المصرى النسيان فلننعش ذاكرتنا بضحايا العهد المباركى 

 لانة كان مسئول واختارها بمحض ارادتة وحريتة فسيحاسب على هؤلاء فليس الشهداء الثوار فقط مسئوليتة ضحايا قطار الصعيد الى كان عديتنا فى العيد ... ضحايا العبارة الى كان مرثاتة ليهم حضورة نهائى مصر فى كاس افريقيا ... ضحايا تفجيرات الكنائس لزرع الفتنة الى طبعا لاكان وراها قاعدة ولا متشددين اسلامين ... خالد سعيد الى مات لان مزاج المخبرين جاب انة لازم يموت ردا على اهانتة البالغة ليهم بانة رفض يطلع البطاقة ... لكل ضحايا التعذيب فى الاقسام وامن الدولة ... لكل الى مات بامراض اجلبها رجال فى الماء والارض والزرع ... لكل الى مات ضحايا الاهمال على الطرق ...لكل الى مات ضحايا البلاعات المفتوحة 

انت مش تبت فى عرش مصر وكنت عايز تموت فى ارضها وغرفت وهبشت من خيرها ولولا انك اخترت مسئوليتها وحكم شعبها ماكنتش قدرت تهبر الهبر دة شعبها بيرد لك الجميل فى انة يحاكمك جنائيا فى كل الضحايا الى سقطوا فى عهدك ناتج لفسادك واهمالك واحقاقا للحق مش انت وحدك الى تتحاكم بل معاك السيدة قرينتك ونجلك جمال لانهم كانوا حكام فعليين لمصر على الاقل فى ال10 سنين الاخيرة

مصر مش بلد الاعارة الى كان فرصتك فى تكوين نفسك

Dead Can Dance

سكن الليل

أصغ إلى وقع صدى الأنات

فى عمق الظلمة ، تحت الصمت ، على الأموات

صرخات تعلو ، تضطرب

حزن يتدفق ، يلتهب

يتعثر فية صدى الآهات

فى كل فؤاد غليان

فى الكوخ الساكن أحزان

فى كل مكان روح تصرخ فى الظلمات

فى كل مكان يبكى صوت

هذا ماقد مزقة الموت

الموت الموت الموت

ياحزن النيل الصارخ مما فعل الموت

مجلس 52 .... ومجلس 2011

مصر فى ال100 سنة الى فاتت ادار شئونها مرتين مجلس عسكرى .. طبعا الاول المجلس العسكرى ( الظباط الاحرار) سنة 1952  والمجلس التانى طبعا الذى نتشرف بالعيش فى عهدة واداراتة للبلاد والفرق كبير جدا مابين المجلسين بغض النظر عن كرة الاغلبية لوصول العسكر للحكم والتخوف من اداراتهم مرة اخرى للبلاد فأن مجلس 52 كان لية نجاحات طاغية وقدر فعلا يخلق ثورة اما مجلس 2011 فاخفاقتة المتعددة ستخلق ثورة جديدة فى البلاد 

ولما انا تأملت الظروف حسيت انة فية سببين مهمين جدا خلت الاول نجح والتانى بيفشل والاثنين ابسط من بعض السبب الاولانى فى نجاح مجلس 52 انة التغير والثورة على الاوضاع الراهنة والتخلص من الفساد الى طغى فى البلاد كان منهم هما ... هما الى سعوا للتغير وقاموا بية انما فى الكفة التانية التغير هنا ماحصلش من مجلس 2011 انما اتفرض عليهم وطبعا امر بسيط ومعروف ازاى هاتقدر تقوم بعمل انت عايزة او مفروض عليك 

السبب التانى ان اكبر رتبة فى مجلس 52 كان بكباشى الى هو عبد الناصر وطبعا كان فية لواء وحيد الى هو محمد نجيب بس هو ماكنش مخطط ودورة كان بالنسبة لهم اكساب شرعية اكبر على تغيرهم - امر ساخر انة لسة للاسف علشان نتجح فى تغير فى البلد لازم تستعين بالكبار فى السن ودة كان من اسباب استعانتهم بمحمد نجيب علشان مايقولوش شوية عيال الى تحكم البلد لسة الداء دة لم نتخلص منة بعد- المهم نرجع للفرق التانى الرتب الصغيرة او المتوسطة معروف ان ليها امتيازات بس مش ضخمة ومش بتخلق تباعد بيكون صاحبها لسة ع الارض وقريب علشان كدة دة الى خلق جوة مجلس 52 الرغبة فى التغير الى هو الفرق الاول انما بقى مجلس 2011 كلة لواءات ودى رتبة كبيرة اكبر رتبة تقريبا فطبعا امتيازاتها كثير وصاحبها بيكون بعيد وتقريبا ماحدش بيحس بالواقع ولا بيتعامل معاة لان من امتيازات رتبتة بتبعدة عن التعامل مع الواقع دة علشان كدة المجلس دة التغير اتفرض عليهم ماكنش منهم 

يمكن بالنسبة لناس دول امرين فى منتهى الهيافة بس فى نظرى حسيت انهم مهمين لتقيم الفرق فى نجاح الاول وفشل التانى تخيلوا كدة لو ظباط 52 كانوا هما الى حاضرين فى ثورتنا دية كانوا اتعاملوا مع الفلول الكبيرة منها والصغيرة ازاى ؟؟؟؟ زكريا عزمى دة كان هايتساب لحد قبل يوم من عرضة ع النيابة كان لسة بيمارس مهامة الوظيفية ؟؟

مبارك واهلة كانوا هايهربوا الفلوس برة مصر ؟؟ ولا كان هايتعالج على نفقة الدولة فى مستشفى 40% من سكان مصر الاصلين مايحلمش انة يتعالج فيها !!

لان التغير كان من جواة آمن بية فنجح لأن التغير اتفرض فهو ليس منة لذلك يفشل 

ياغربة المصرى فيكى يامصر

http://tahyyes.blogspot.com/2011/07/blog-post_289.html
مش الى غلبان بس او الى مالوش اهل هو الى مالوش حق فى مصر اغلب الشهدا الى ماتوا سواء فى الثورة او العهد المباركى ليهم اهل ومنهم جزء كبير اتمسك بحق الدفاع عن ابنة ولجأ للقضاء بس مين اعتذر او حس بيهم لما السفاح تنحى ماسمعناش بيان رسمى من الداخلية للاعتذار لاهالى الشهدا عن الى حصل لسة سوق النخاسة منصوب الفرق بس انة قبل الثورة كانت الجتة تقريبا ب 1000  - الاسعار الى ادفعت لاهالى شهداء العبارة - انما بعد الثورة المبالغ ارتفعت وبقت ماشاء الله بتوصل ل 100,000 فية تطور