متى يصبح لحمنا مسموما ؟

متى يصبح لحمنا مسموما مثل لحوم العلماء حتى لايتجرأ علينا احدا هو الواحد لازم يربى لة ذقن ويقصرلة بنطلون ويقول ياأخى علشان يبقى شيخ فيبقى لحمة مسموم لايجوز نقدة او انتقادة ....... وطبعا دى حصانة للى لحمهم مسموم انما هما بسم لله ماشاء الله ماسابوش حد مختلف معهم او قال فكرة لم تعجبهم - مش تقنعهم لان الاقناع محتاج عقل - الا ماسلخوة تكفير وبلاهة وزندقة والى اخرة من الاتهامات 

لايريد ان يفهم ويمنع عن غيرة الفهم لم يكون من دينك انك ماتقولش للكافر ياكافر قام الجماعة اياهم قالوا ماشى مش هانقول للكافر فبقوا بيقولوا للمسلمين 

بدل ماحنا اكثر حاجة بنشوفها فى نبوغهم افتاءات  ارضاع الكبير وشرب بول الرسول واصناف وتشكيلات جديدة للزواج ودلوقتى هاترجع موضة ماملكت يمينة والمرأة عورة والفوايد حرام والهبل دة كلة عملنا اية للاسلام الحق بدل ماحنا بنتريق ع الخلق الكفرة الى ازاى لسة بيعبدوا بقرة - والى بيعبدوا البقرة هما عبقرة البرمجيات فى العالم واحنا طبعا عبقرة فى تعدد الزوجات - انت عملت اية علشان توصلهم دينك الى انت غيور علية قوى من امنية شخص فى ان رحمة ربنا تسع كل من احسن عملا فى هذة الدنيا

فعلا امة ضحكت من جهلها الامم

مما قرأت

إن الحكومة الأسلامية على النحو الذى جاء بة القرآن الكريم واتفق علية المسلمون كانت بعيدة عن الحكومات المعيبة التى تستند إلى اسس فاسدة فى حكم الشعوب فالأتوقراطية أى حكومة الفرد ممنوعة فى الإسلام لأن القرآن الكريم يأمر النبى بأن يشاورهم فى الامر ويقول وأمرهم شورى بينهم وإذا كان النبى علية السلام الذى يتلقى الوحى الإلهى يجب أن يشاور أتباعة والرجوع اليهم فى سياستة فلابد ان يكون غيرة أولى فى ان يتقيد بالشورى وان يتجنب حكم الطغيان .. وكذلك الثيوقراطية أى الحكومة التى يدعى فيها الحاكم صفة ألهية ممنوعة فى الأسلام لأن القرآن الكريم يعلم المسلمين ان النبى بشر مثلهم والإسلام يرفض الوساطة والكهانة بين الأنسان وربة وكان أبو بكر الصديق يقول عن نفسة : لست خليفة الله أنما خليفة رسول الله ... والإسلام يمنع حكومة الأوليجارشية أى حكومة الأغنياء والنبلاء لأن مبايعة الخاصة لاتغنى عن مبايعة عامة الناس وليس فى الأسلام أن يسود إنسان بسبب ثرائة أو عائلتة والنبى علية السلام قال: اسمعوا واطيعوا ولو كان عبدا حبشيا راسة مثل الزبيبة 

صاحب هذا الفكر الرائع الفيلسوف العظيم عباس العقاد وطبعا اغلب الافكار دى غائبة عما يسمونهم مجازا علماؤنا وفقهاؤهنا الى اول مايمسكنا حد على طول وجب طاعتة وحرم الخروج علية حتى لو كان ابليس نفسة الى بيحكمنا احيانا الواحد لما يتصادف انة يسمع او يقرأ فتوى او حجة ليهم نفسة يعرف الى اى سند دينى او مثل فى تاريخنا ودينا بيرجعوا لما كل انواع الحكم الى هما بيدعوا اليها كما اوضح العقاد مناقضة تماما مع مادعى الية الاسلام وفرضة على نبية يبقى هما مرجعهم اية 

بينخروا فى العامود الى باقى

الأحداث المهببة الى بنمر بيها فى الفترة الأخيرة يوضح لخطورة امر ناس كثير يمكن مش منتبهة لية ... دة غير أن ناس كثير بتموت كأنها شوية فراخ مصابة بالانفلونزا فقرروا التخلص منها فى عهد البائد كان دافع بالشرطة فى مواجهة الشارع بصورة دمرت العلاقة بين الطرفين وهاتحتاج وقت لما تتعالج وكلنا طبعا عشنا واقع انعدام الثقة بين المواطنين وافراد الشرطة الجديد فى الصورة انهم دلوقتى بيدخلوا الجيش ودة امر فى منتهى الخطورة المخلوع بسياستة بوظ علاقة المجتمع بالشرطة المجلس بغبائة بيبوظ علاقة المجتمع بالجيش والشرطة والجيش اداتين غير قابلين للاستغناء عنهم مافيش اى دولة فى العالم مافيهاش شرطة ولا جيش .. المخلوع بغبائة انهى كل الود بين المواطنين والشرطة فبنعانى المجلس دخل الجيش للقايمة بعد المذبحة الاخيرة ناس كثير بقت بتكرة الجيش وتصب لعانتها علية فدلوقتى لما نحب نجيب جهة تقوم بدور الحماية والظبط الداخلى نجيب مين ؟ هيئة البريد مثلا

كان عمرى عشرين

زمان وانا صغيرة كنت دايما اسأل نفسى سؤال ياترى هايبقى شكلى ازاى وانا عندى عشرين ؟ ياااااااااااااااة هاعيش لحد ماكمل عشرين سنة ..... هابقى طويلة ولا قصيرة رفعية ولا كلبوظة الدنيا فى ايدى ولا لسة بجرى وراها ؟ حاليا انا فى منتصف العشرينات وكل اثارة بلوغ العشرين ذابت على صخرة الواقع طبعا لسة عاطل ولسة بدور على نقطة البداية لسة بحلم احلام وتتكسر على صخور الواقع

زمان وانا صغير كنت بحلم ابقى كبير ودلوقتى بقول ياريتنى فضلت صغير سن العشرين مش ممتع زى ماكنت متخيلة