عندما يصبح العالم " PORNO " كبير...

 

أثناء حديث متخيل بينى و بين صديقتى كنا بنتكلم عن التحرش الجنسى و مدى انتشارة و الهوس الجنسى فى كل العالم الرغبة الجنسية بقت عميقة جدا و اساس أى علاقة           : - و كل دة و مركز الرغبة الجنسية هيا الخصيتين عند الرجالة سبحان الله على حكمتة جعل الأمومة فى الدم علشان كدة لسة فية توازن 

قامت بصتلى كدة و تسألت بشيطانية : - تخيلى لو كان العكس كان الوضع هايبقى أزاى!؟

فكرت بخيال جامع هو حياتنا كانت هاتبقى أزاى لو الغريزة الجنسية عند الرجال بقت فى الدم و الأمومة فى البويضتين فقط !..ياااااااااااة دة هاتبقى البشرية لغوصة للركب الانسان بطبعة بيكرة المسؤلية الستات هايتخلوا عن أمومتهم بسهولة ماهو مش هايبقى لها معنى خصوصا مع تدفق الاطفال - لزيادة الرغبة - هايبقوا كثير و درجة الحب ليهم و العطف أصبحت أقل دة غير أنها هاتكون معدومة تماما قبل البلوغ و بعد سن اليأس - وضع مأساوى جدا - و هاتبقى أسمى العواطف المتعلقة بالجنس و هيا بطبيعتها صفاتها كلها أنانية ... إية دة أمال التحرش هايوصل لفين ؟ .. تحرش ... لا لا .. تحرش إية دة أحنا هاتمناة دة هايبقى اغتصابات جماعية كدة فى وضع النهار زى الى كان بيحصل فى البوسنة و الهرسك من الجنود الصرب .. لالا كدة رحمة شوية دة لو بالوضع الخيالى المأساوى دة الدنيا هاتفنى و تقريبا كلنا هانموت فى وضعية الجماع - رضا بقى غصب دى هاتبقى وضعية الموت الرسمى - فوقنا أحنا الأثنين من خيالنا و بصينا لبعض و قلنا لا حكمتة كبيرة فعلا أن الانسان جهولاً ظلوماً .... وطفس 

الهوس.....أننا أصبحنا نيد فلاندرز!

الهوس الأستفتائى .....قبل كل خطوة فتوة ...اتصل على 0900 09999 واستفتى شيخك معنا أنت فى الجنة وش .... " هل ما أنا مقبل علية حلال أم حرام ؟ " سيول من الأسئلة إلى مالهاش أى معنى عقول مغيبة وناس ماشية بالريموت - أحياناً بتابع المسلسل الكارتونى الشهير " The Simpsons" وطبعاً من أشهر الشخصيات إلى فية شخصية " Ned flanders " المتدين المهب للمسيح والراغب دوماً فى إرضاءة قبل أى عمل لازم يرجع إلى رأى الأب راعى الكنيسة مش بيخطوا أى خطوة من غيرة لدرجة بعثت الملل لدى القسيس نفسة - أهو دة بقى حالنا فى الأمة الأسلامية الدين الوحيد إلى مافيهوش كهنوت بس أحنا ماخلصناش دة فأصبحنا كهنوتين ولا العصر الفرعونى.... جرب مرة أفتح إذاعة القرآن الكريم فى ساعة الفتاوى ولا أتفرج على أى قناة دينية تلاقى شلال أسئلة بس للأسف أغلبها تافة ومكرر ويثير الغثيان من مدى النطاحة والأنتخة فى تشغيل عضو مهم فى جسم الآنسان وهو المخ .

" أسلم على جارى المسيحى ولا لأ ؟ وأقولة كل سنة وأنت طيب يعنى يجوز تهنئتة فى أعيادة ولا أنا برتكب أثم ؟ " - السؤال الأشهر وإلى محير العالم لغاية دلوقتى ولا مثلث برمودا - " طب ياشيخنا أدخل البنت فنون جميلة ؟ " " دة أنا بنتى عايزة تدرس بيانو؟" "أحمل كتب pdf  ولا حرام ؟" ........ وألخ ألخ  وإلى بقى أسوء فى السباق ناس بتسأل فى أمور واضحة جداً ومعروف حكمها يعنى هو بس يتمنى لو الشيخ يغير الحكم دة يعنى السؤال الأشهر ومش بيتغير فى رمضان من يوم ماوعيت ع الدنيا " أنا جمعت زوجتى على الرغم أن الفجر أذن وأنا كنت مدرك لذلك ... دة حلال ولا حرام يامولنا ؟ وهل صيامى مقبول ولا بطل ومحتاج تكفير؟ " كل سنة لازم أسمعة فى أى برنامج فتاوى فى رمضان مش فاهمة هما متخيلين مثلا أن فى سنة الحكم هايتغير فبيسألوا ع الأمل دة ؟

فين العقل؟؟ ...... ماحدش عايز يفكر ... الناس ركنت أن دة أحسن وعارف وهو أكثر معرفة وخبرة فهو بقى علية يفكر ويرد عليا - زى بالظبط النظرية إلى بتقول وأحنا نشتغل لية ما الصينين ربنا يخليهم هما يشتغلوا وأحنا نستورد على الجاهز - لما تيجى تحاول تتناقش مع حد وتقولة مش كل حاجة أمر بيها لازم أبعت لدار الأفتاء أو أبعت للشيخ الفلانى أسألة أمال أنا عقلى فين ؟ ماهو مطلوب مننا إعمالة برضة ... ياعم وأنا أوجع دماغى لية ياعنى هو أنا هافهم أحسن منة .. طب افرض بقى أنا فكرت وطلع غلط عاجبك بقى الذنب إلى أنا خدتة ...كمان ماهى دى شغلتة يعنى أقطع رزقة .

قلت فى عقل بالى " ياة دة لو كان المبدأ دة من زمان سارى فى بلاد المسلمين كنا هانتحرم من فقهاء كثير جداااااااااااااً أبرزهم ( أبو حنيفة النعمان ) " .

مع كل الهرتلة إلى بتسمعها عن عظمة الأسلام ومكانتة المختلفة عن باقى الديانات إلا أننا بقينا بنقلد باقى الديانات بالظبط بنفس الخطأ إلى استدعى نزول النبى بدين الأسلام .... أكبر ميزتين فى الدين الأسلامى ركز عليهم حرية الأختيار والدعوة للتفكير وأنة ليس دين كهنوتى فالحقيقة ليست حكراً على أحد.

الأنسان من الكائنات المميزة بحرية الأرادة والأختيار الفكر والبحث ودة يعتبر هو جوهر الأسلام أول كانت " اقرأ " القرأة بتتطلب بحث ومعرفة وتمحيص والخطوات دى بتتطلب إعمال عقل مش بس تلقين ، أما بالنسبة للكهنوتية فهى ميزة خاصة بالأسلام فقط مش لازم علشان تكون رجل دين أنك تدخل فى عمليات معقدة وتنفصل عن باقى المجتمع وتدرس المواد الدينية فقط والدين عندك يبقى مقسم ماهو متاح للعامة وماهو متاح لرجال الدين فهمة ومعرفتة السيطرة بية على الناس لأ الدين متاح للجميع فهمة وطلب علمة حتى لو ماكنش أساسا عالم دين وقرر أنة يتزود فى معرفة الفقة مثلاً " زى ابو حنيفة النعمانى هو اساسا كان مجرد تاجر وأراد أن يستزيد فى العلم وطلب رأى أحد فأشار علية بالفقة فدرسة فأصبح أبو حنيفة النعمان " والأمثلة كثير جداً يعنى تقريبا كل العلماء فى العصر الذهبى الأسلامى كانوا بيدرسوا بجانب العلوم إلى برعوا فيها علوم الفقة والحديث وغيرة زى ابن سينا وابن رشد والفرابى وغيرهم مش احتكار يعنى ولا حرام أنك تشغل عقلك  

علمانية....

بعد 30 يوليو مباشرة ونجاح الشعب فى عزل مرسى وبدء طرح الاسماء التى ستتولى المسؤليات وطرح البرادعى بقوة لمنصب رئيس الوزراء لقيت حوارات على الفيس آة البرادعى كلة ياخد بالة من حجابة ......... لية بس بتقول كدة ...... أصلة علمانى ... يعنى إية ... دورى وأنتى تعرفى .... إيوة يعنى إية المشكلة ... يعنى انتى ترضى يعمل معابد للبوذين فى مصر!؟... كان ردى إية المشكلة.

كل ماتكلم حد يقولك دة علمانى .. طب يعنى إية علمانى ... دورى وأنتى تعرفى ... قلت أدور...طبعاً لن الموضوع دة كبير قلت بس ادور من موقع موثوق على النت وأفهم وأكيد هاتعمق أكثر المهم جوجلت عن علمانية لقيتها فى ويكبيديا أن علمانية : هى تعنى اصطلاحاً فصل المؤسسات الدينية عن السلطة السياسية وقد تعنى أيضاً عدم قيام الحكومة أو الدولة بإجبار أى أحد على اعتناق وتبنى لمعتقد أو دين أو تقليد معين لأسباب غير موضوعية كما تكفل الحق فى عدم اعتناق دين معين أو تبنى دين معين كدين رسمى للدولة .

أمممم دة مثير للأهتمام لما قرأت شوية أكثر حاجة لفتت نظرى فى تركيزهم على فكرة العلمانية فكرة حرية الاعتقاد وحرية ممارسة الشعائر وعدم الأكراة يعنى مثلاً" من أجل الوصول إلى دين صحيح ينبغى على الدولة أن تتسامح مع جميع أشكال الأعتقاد دينيا أو فكريا أو اجتماعيا ويجب أن تنشغل فى الأدارة العامة وحكم المجتمع فقط لا أن تنهك نفسها فى فرض هذا الاعتقاد ومنع ذلك التصرف - يجب ان تكون الدولة منفصلة عن الكنيسة وألا يتدخل أى منهما فى شئون الأخر - هكذا يكون العصر هو عصر العقل ولأول مرة فى التاريخ البشرى سيكون الناس أحراراً وبالتالى قادرين على إدراك الحقيقة  ." الجملة دى أنا قراتها قبل كدة وبقرأها كثير .... ياترى فين .. لما تعمقت أكثر أفتكرت فين ( قل يا أيها الكافرون {1} لا أعبد ماتعبدون {2} ولا أنتم عابدون ما أعبد {3} ولا أنا عابد ماعبدتم {4} ولا أنتم عابدون ما أعبد {5} لكم دينكم ولى دينى {6})  صدق الله العظيم ....... إية دة أحنا طلعنا علمانين...... يعنى يعتبر أهم مبدئ ركزت على فكرة العلمانية حرية المعتقد هو بإختصار سورة الكافرون بكل وضوح الرسول بيخاطب المخالفين لية فى العقيدة أنة لا يعبد ما ألفوا هم على عبادتة ولا هما بيعبدوا إلى الرسول بيعبدة واتكرر المعنى فى الآيات التالية وختمت أن كل واحد لية دينة ..... الله هو لما يكون ربنا منزل دة فى القرآن من اكثر من 1400 سنة وفى بلاد المسلمين مافيش حريات فى العبادة أو الاعتناق وممارسة الشعائر والتنكيل والتمييز - المسيحين مواطنين درجة ثانية ، الشيعة بيذبحوا فى بيوتهم ، البهائين مش معترف بيهم - ولما تتكلم عن احترام حقوق الآخرين فى اعتناق أى دين وحرية فى ممارسة الشعائر يقولوا علمانية وكفر طب ماربنا إلى قايل على لسان رسولة الكريم لكم دينكم ولى دينى ......إية تانى .

بالنسبة بقى لفكرة يعنى ارضى انى يتبنى عندى معابد للبوذين .. والله الأسلام اتنشر فى الدول المعتنقة للبوذية والهندوسية ....ألخ من المعتقدات الشرقية والمسلمين مش قبل مايخطوا رجلهم عندهم خدوا عليهم عهد والنبى فجروا معابدكوا الأول وبعدين نيجى عندكوا نعرفكوا الآسلام إية ..... كمان يعنى مش منع الحاجة هاتمنع من انتشارها إلى عايز يعتنق حاجة هايعتنقها بغض النظر عن المعابد .. ولا إية . 

 

الصلاة.....لا تنهى عن الفحشاء والمنكر

العنوان ليس اعتراضاً على صدق الآية الكريمة أو تشكيكاً فيها لكن للأسف فى الواقع البشرى المعاش بين المسلمين فهذة الاية لا تنطبق على أحوالنا فأغلب المسلمون ملتزمون بأداء الشعائر وحريصون عليها يؤدون الصلاة والزكاة والصوم يبتهلون إلى الله حريصين على رضاة لكنهم منافقون غشاشون كاذبون مستبيحى أعراض منحرفون أخلاقيا ..... فى بلاد يغمرها التخلف والقذارة 
من أكثر الأمور المثيرة للسخرية عند وجودى فى الميدان عقب بيان الجيش وعزل مرسى قابلت والدتى بالصدفة صديقة وقد عبرت - صديقتها - عن دهشتها من كم المعارضين " كل دول بيكرهوا مرسى !؟ على الرغم أنة طيب وعارف ربنا " قلت فى عقل بالى "يعنى إية عارف ربنا ؟" بقى فى مجتمعنا دلوقتى الوصف المحبب لأى شخصية " دة بيعرف ربنا" ، بيعرف ربنا يعنى مش بيسيب فرض وبيصلى فى الجامع وبيصوم وبيعمل خير وعايز يقيم حدود الله - كلمة فضفاضة ومخرجتش من أى اطار نظرى - بالنسبة لهم - حدود الله - ماتمنعش قتل الشيعة - لأنهم كفرة وخارجين عن الملة وفى النار ولا تدمير كنائس وقتل مسيحين وتهجيرهم من أماكنهم قصرياً - لأنهم كفرة ويستحقوا إلى يجرى لهم - نيجى بقى نتكلم كلام منطقى ونبص فى سيرة الرسول والصحابة مانلاقيش نماذج للأفعال دى نحاول نقرأ القرآن مافيش دة العكس " ولا تجادلوا أهل الكتاب إلا بالتى هى أحسن إلا الذين ظلموا منهم وقولوا أمنا بالذى أنزل إلينا وأنزل إليكم والهنا والهكم واحد ونحن لة مسلمون " - الآية 46 سورة العنكبوت -  " ادع إلى سبيل ربك بالحكمة والموعظة الحسنة وجادلهم بالتى هى أحسن أن ربك هو أعلم بمن ضلٌ عن سبيلة وهو أعلم بالمهتدين " - الآية 125 سورة النحل - ...وهناك الكثير والكثير من الآيات وكلامة واضح ومش محتاج كثير من التأويل آمال يعرف ربنا منين اتهجر فى عهدة آسر مسيحية من بيوتها قسراً ولم يتدخل اتحرق كنائس من متطرفين ولم يتدخل بعد المؤتمر الفاجر إلى عملة وطلعوا تجار الدين يحرضوا علنى على قتل الشيعة وبالفعل تم قتل 4 فى قرية ولم يتدخل ....لم يسعى للمحاسبة لا يسعى لإقامة العدل ولا بينفذ كلام ربنا....يبقى عارفة منين!!!؟
مش كل من صلى وربى ذقنة وقعد يواظب على الفروض يبقى مؤمن وعارف فعلا ربنا طب ماهو بيصلى وبيخرج يغش فى الميزان.... بيصلى وبيخرج ياخد رشوة.... بيخطب فى الجامع وبيحرض على القتل...رموا أطفال من فوق السطوح ، شايلين آلى وخرطوش وقنابل ومستعدين تمام الاستعداد لقتل أى عدد من الآنفس فى سبيل عودة مرسى....نفس الزبيبة ونفس الذقن متوضى وصلى ركعتين وابتهل لله وشال آلية وخرطوشة ونزل يقتل ويذبح ويكسر....للأسف الصلاة لاتنهى عن الفحش والمنكر 
لما يجى حد بعد كدة يقولك دة عارف ربنا ....قل لة من قتل الحسين!!؟؟

كُنً إسطاسية

كُنً إسطاسية .....ارفعنً رؤوسكنً دوما إلى السماء شقوا سكون الملكوت بالدعاء على الظالم والقاتل والفاجر ... على من قتل ابناءكن وأزواجكن وأباءكن غدرا فقد قتل ابن إسطاسية غدرا فظلت تدعوا الله فجرا تقض مضاجع المتاخذلين تحرقهم بنارها تكويهم بالذكرى وتصعب عليهم النسيان 

  كُنً إسطاسية .. ارفعوا شكواكم إلى السماء فالأرض قد نفذ منها العدل ولم ياتى البشر بالقصاص فارفعوها لله طالبين القصاص ولا تيأسوا فعدل الله آت لا محالة مهما طال فقد تحقق فهزوا الكون بالدعاء كُنً إسطاسية وثابروا فالله لايرد دعوة مظلوم 

- لقد اتضح الآن أن محكمة الله هى الأعدل , لايمكن لمخلوق أن يرشوها أو يضللها , هى محكمة لا تحتاج لمحامين , لأن قاضيها الأعظم يعرف كل شئ من دبة النملة على الأرض إلى دبة نمل الأفكار الشريرة فى البنى ادم منا..-

 

Die Welle

What  make human Fascist ? the human history full of fascist movement . Nazism was the most effectiveness Fascist action in the modern history 
The Wave is a simple movie about "You think another dictatorship would be impossible in Germany ? " 
that is the main question about there project & they answer   " No " so there professor start to test that "What does every dictatorship need?"
Discipline is power , Unity is power , Action is power then they have there own name ,our logo . we have the same  uniform , we are a group united ,equal , the same , we stand up for each other , there no difference between us it doesn't mater if you rich or poor from west or east have a Turk roots in The wave we're one .That make us special , butter than the others , we have what they don't have so we can exclude & hurt others who don't agree with us , we're above others and that's enough .
What's make it easy to be a fascist  is simply that          "Martin , You tell me what are we supposed to rebel against nowadays?Nothing means anything anymore , we all just want to have fun , what our generation lacks is a common goal to unite us"      

The End