الثلاثى جبران

دع النفس تهفو ولتواصل الحلم والرغبة نعيش فى بلاد تتفن القتل ولكنى سأسرق لحظة لأتنفس وأحلم ... أبكى و أركض ... ثم أعاود الحلم 

أعلم أنة فى أوطاننا الحلم هلاك ولكن الحالمون يصعب تغيرهم مع الموسيقى سأظل أحلم 

الثلاثى جبران يستحق الاستماع والاعجاب حد الافتنان ... يستحق الفخر عندما تستمعهم تدرك أننا مازالنا نحيا ... مازال لدينا موسيقى 

 

دستور

أنا كانت أكثر حاجة شغلتنى فى موضوع الدستور غير صياغتة وموادة والأمر الجوهرى بالنسبة لى فى رفضة أنة التصميم على تمريرة على الرغم من انسحاب شخصيات عديدة من الجمعية التأسيسية وفكرة أنة مش مهم طالما فية أغلبية الجهل الواضح لجوهر فكرة وضع دستور ... أصل الأسلوب المتبع فى قيام الدستور وطريقة تمريرة علشان الأغلبية وافقت وشكلتة دة اساسا غلط وأول سبب لرفضة هاعمل دستور علشان الأغلبية هاتحمى نفسها من مين !! الدستور مش للأغلبية الدستور اساسا موضوع لحماية الأقلية والمستضعفين بيبقى زى عقد بتحمى فية الأقلية حقوقها من بطش الأغلبية زى ماكان متبع زمان فى موضوع الجزية عقد بين الأغلبية الى هما " المسلمين " مقابل الأقلية مابتدفع مقدار معين من المال الأغلبية بتقوم بحمايتهم وكمان بيحددوا شروط دفع مقدار الجزية والغنى نسبتة قد اية والفقير نسبتة قد اية 

عدل .... الفكرة ببساطة من الدساتير هى نوع من انواع العدل والتكافل ودايما محور فكرة العدل بيبقى للمستضعفين " الأقلية " 

رفضى بسبب غياب العدل ... واضعى الدستور ماكنش فى ذهنهم العدل أو التكافل الأجتماعى هما مش فى دماغهم غير مصلحتهم وبس وطالما مش للعدل يبقى مرفوض  

رد دجاجتى

ليست هناك طريقة للتخلص من العمل السياسى الموحد الذى تقوم بة الجماعات المحرومة اقتصاديا والتى يمكن أن تقدم مطالب مشتركة أفضل من جعل جماعات مختلفة من الفقراء تدخل فى مواجهة بعضها مع بعض كما أن عملية صرف الآنتباة عن الظروف السيئة التى يعانى منها الجميع مثل البطالة الفقر والإسكان منخفض الجودة والخدمات العامة المنقوصة تستهدف على المدى الطويل القضاء على المساواة ومن ثم فأن هناك ترحيبا بكل مايؤكد خصوصية مشاكل كل جماعة على حساب التركيز على المشكلات التى تشترك فيها تلك الجماعة مع الآخريين 

Mish Impossible

مقص

بسم الله الرحمن الرحيم ( ولو شاء ربك لأمن من فى الأرض كلهم جميعا أفأنت تكرة الناس حتى يكونوا مؤمنين 99 وما كان لنفس أن تؤمن الإبأذن الله ويجعل الرجس على الذين لا يعقلون 100 ) صدق الله العظيم سورة يونس 

سبحان الله بجد على الرغم ان القران باللغة العربية واحنا أهل لغة ألا أن الغرابة المتناهية أن ممارستنا ابعد عما يكون عن أحكامة واياتة على الرغم من منتهى وضوح اياتة واوامرة بس ياترى العك الى عايشنة من مدعى الأسلام والحرص علية دة لية ؟!

الزنا باسم الأسلام

من كام يوم قرأت خبر رائع الصراحة يعنى خلانى اجيب اخرى المهم فى ايران قرروا يفتحوا بيوت مرخصة للدعارة ... احم اقصد للزواج المؤقت او زواج المتعة الهدف منة هو القضاء على مشكلة الاغتصاب بسبب الكبت الى بيعانى منة الشباب 

صدمة مش كبيرة قوى لان انظمتنا الشهوانية ومجتمعتنا خلتنا مانستغربش لأى حاجة بس لحد امتى هاتفضل نظرة السلعة والرخص فى التعامل مع المرأة فية كبت ومشاكل زى التحرش او الأغتصاب مش معقول الحل هو الدعارة .. واة بالصريح دة مجرد دعارة لأنة مستحيل يكون جواز فين الأشهار والشهود ومش معقول عدة المرأة فى الجواز المزعوم دة هايكون كام ساعة من الأخر كلة عك بعيد الى الشرع موضحة بخصوص الزواج السليم وياريت ماحدش يقول شيعة ومش شيعة هاتلاقى بتوع الخليج مالين الدنيا هناك وواوضاع اهل السنة مش افضل حالا بل انيل هما عندهم ازمة كبت عملوا بيوت دعارة احنا عندنا نفس الازمة عايزين نجوز القصر والأطفال بحجة زواج الرسول - علية الصلاة والسلام - بالسيدة عائشة وطبعا دة وهم لأن الرسول لم ينكح السيدة عائشة طفلة بل نكحها وهيا عندها 18 سنة وطبعا اى شخص ذو عقل وحدث سليم هايكون متاكد من دة لأن الرسول - علية الصلاة والسلام - لم يكن شهوانى ودة للأسف الفكرة الخاطئة الى واخدها الاخريين عن الرسول وبدل مانتنيل على عنينا ونصلح الفكرة دى لأننا كمسلمين دة واجبنا بالعكس بنزيد الطين بلة ومش وراهم فى الفضائيات غير الزواج من القاصرات طالما استدارات يبقى تنكح طالما تطيق .............................................. ازاى مش عارفة طفلة هاتطيق النكاح ازاى مش عارفة وسؤال اخر هل الزواج مجرد نكاح كلة جنس بس مافيش مسؤليات واطفال اثنين عايشين تحت نفس السقف باحلام وامنيات اراء وافكار ...... مش شايفين فى المرأة والزواج الا الجنس بس نفرق اية عن الكفرة الملاحدة الى بندعى عليهم ليل نهار ومش شايفين فيهم الا انحلال اخلاقى 

كرم الاسلام المرأة ورفع من شأنها وأبى المسلمون المتطرفون ألا أن يعيدوها الى الجاهلية مجرد متعة  

الشعب يريد تطبيق الشريعة الاسلامية

العنوان جد ... عايزين الشريعة تتطبق فعلا لأن لما الشريعة هاتتطبق كل الى خرجوا من الجحور هايتحاسبوا لأن الشريعة انك تشغل العاطل عن العمل .. الشريعة انك تعمل بجد وتنهض وتنتج (فقل اعملوا فسيرى الله عملكم ورسولة والمؤمنون ) 

الشريعة هيا العلم فكانت اول سورة نزلت فى القران هيا سورة العلق فبدأها الله صريح ( اقرأ باسم ربك الذى خلق ) فكانت ان اول قضية واهتمام للاسلام هو العلم وتكرر الأمر مرة اخرى فى السورة ( اقرأ وربك الأكرم ) 

تطبق الشريعة فى احترام حقوق الآخرين كافة والمساواة بينهم ( لكم دينكم وليا دينى ) , ( لاأكراة فى الدين ) 

تطبق الشريعة على مدعى نصرة الأسلام وهم ابعد مايكون عنة يقولون الله ورسولة ويكذبون ويزنون ويسرقون ويحللون ماحرم الله ويسيئون الى النبى والدين بافكار وسلوكيات قذرة ابعد ماتكون عن الدين يستغلون الجهل والفقر لتحقيق منافعهم 

  

صلاة مرسى

هو حكاية دة متقى وعارف ربنا ومش بيسيب فرض حتى شوفى علامة الصلاة الى على راسة ......... هو ربنا هايفضل مبتلينا بالجهل لحد أمتى خلق كثير بتصلى ومش بيطلع منها الا العبر وكأنها واقفة قدان ربنا حاجة وعملها حاجة تانية وهاديكوا مثل صغير لا مش السيد احمد عبد الجواد مثل من الواقع الكل ناسية مرسى دة يجى اية جمب الحجاج اة الحجاج .. دة مش كان بس بيصلى دة كان عالم وساهم فى تنقيط القرآن .. اة ياراجل اشهر سفاح فى التاريخ العربى الاسلامى كانا بيمسك المصحف ممكن تقول اكثر من ساعتين علشان عملية تنقيطة وكان بيصلى ومسك حكم مكة فترة وسبحان الله ع الرحمة الى كانت مغرقة قلبة لدرجة انة مش مذكور فى التاريخ الا بالسفاح المتقى دة بقى قتل ابوة ومثل بابن السيدة اسماء لا وكمان علشان يدخل مكة وينتصر على اهلها ضرب الكعبة بالمنجنيق اة والله شفت التقوى 

اهبب اية انا بقى بوحمة الصلاة بتاعة مرسى هاتفدينى باية والفساد لسة علامة مصر المميزة ومافيش امن ولا امان والداخلية زى ماهيا والغلاء بيتفحش فى كل حاجة 

هاعمل اية بخطبة ولفة فى الجوامع فادنى باية اشتغلت بيهم لقيت بنزين 80 لعربيتى مش بقف فى الطريق ساعة من كثر الزحمة مش بعانى من امراض جلدية غربية بسبب تطور الحشرات لان الزبالة فى مصر اكوام اكوام 

أن المؤمن ممكن يكون قاتل زانى سارق ولكنة ليس بكذاب والمعنى جاى فى حديث عن الرسول - علية الصلاة والسلام - بتطبلوا لية للكذابين ابو اسماعيل اتفضح فضحية الدنيا والاخرة ولسة فية ناس بتبرر لة مرسى كذاب قالك 100 يوم وهاعمل واسوى وطبعا دة كلة اتهال علية التراب لانة من الاول شغل كذب ونفاق مجر لح ماتعدى الانتخابات بتبطبلوا لة ليييييييييييييييييييييييييييية ؟ 

صلاة اية وتقوى اية العبادات دى ارضاء للرب مش اتباهى بيها على الناس والتاريخ مليان عبر بالراهب الى كرس حياتة للعبادة والشيطان فى لحظة ضيع كل دة وخلاة زانى وقاتل ومنتحر والى شاف سيدنا عمر فى نصف حياتة الاولى زمانة كان بيقول دة فى النار ولا هايورد على جنة سبحان الله بقى 10 المبشرين بالجنة ومن الخلفاء الاربعة وكمان مدفون جمب الرسول وماكنش بيتنطط ع الخلق بعباداتة ومكانتة ع الرغم انة اة مافيش قدة دة ضامن الجنة فضل يراعى الله بعملة لحد ماهايبقى رمز العدل لحد ما القيامة تقوم 

انما انتم مطبلتية ومنافقين وكذابين زفة وشوية خرفان حاكمكم خروف مااااااااااااء يمين ماااااااااااااااء يمين ماااااااااااااااء شمال مااااااااااااااااء شمال     

إلهنا و إلهاكم واحد

" و لاتجادلوا أهل الكتاب إلا بالتى هى أحسن إلا الذين ظلموا منهم وقولوا ءامنا بالذى أنزل إلينا وأنزل إليكم وإلهنا و إلهكم واحد ونحن لة مسلمون "

الآية 46 سورة العنكبوت 

الآية واضحة ومباشرة من ربنا لعبادة فى كتابة الكريم الذى لم يحرف قط أمتى بقى هاتخلص حملات النفاق المقدسة فى حب الله والغيرة على دينة 

كلة مظاهر حبنا وغيرتنا على الدين مجرد نفاق ...... مجرد ذقون لم تعرف فى الدين سوى القشور تستغل الجهل لكنز أموال باسم الدين 

ربنا قال لاتجادلوهم مش تروحوا تكسروا المنشأت وتقتلوا السفراء الآمنين الى دخلوا بعهد مننا على الحفاظ على حياتهم ... مش حتة دجال بيدعى العلم فى الدين يطلع فى مظاهرة يقطع الآنجيل زقال اية المرة الجاية هايتبول علية وقال اية كمان دفاعا عن رسول الله  من أين أتيتم بهذة السلوكيات من أنهى كتاب وأنهى سنة 

قطع ايدك

 صمتى لا يعنى استمتاعى ..... ولست ملكك فكف عنى 

احيانا بيبقى فى مننا لما بيتعرضوا للتحرش انهم بيصابوا بالخرس وبيحصلهم شبة شلل مبتبقاش عارفة تعمل اية ؟ ولا قادرة تتحرك وطبعا دة مش لانى مستمتعة او خايفة بس هو حالة ذهول .... ذهول من طب يعنى اعمل اية ميكاج ومش بحط ضحك ومش بضحك حتى التمشية ع الكورنيش والواحد يشوف المية ويسترخى بقت محرمة بمشى زى الشاويش قافلة خلقتى ومش ببص لا يمين ولا شمال اعمل اية تانى علشان يتهدوا بوصل بكل الطرق انى مش عايزة اتعكس واقتنع انا بخلى نفسى وحشة مش اتعاكس مش عايزاك ترفع من روحى المعنوية ولا تعمل فيا خير اعمل اية تاااااااااااانى حل عن سمايا بقى 

نفسى امشى مسترخية ومرتاحة حد ورايا بعجلة ...... لا راجل كبير ........ عيال صغيرة وشكلهم مستعد للسفالة 

بقى الخروج انهاك للاعصاب كرهت نفسى على الرغم انى بعمل كل ماوسعى علشان ماتتحرش بيا وفى الاخر بيقع اللوم عليا مش راضى تعترف ان انت الى بقيت دنى ووسخ وبتتحجج بامور واهية انا بنى ادمة وانظف منك باواجهة نفس ظروفك بس مابقتش بقذارتك 

كلاهما مر

 اخترت المقاطعة ومش معنى انى بقاطع انى بسلم البلد لشفيق على طبق من فضة او استحمل السحل الى هاعيشة على ايدة مانا كدة كدة اتسحلت ببركة الاخوان والسلفين وباقى القوى السياسية انا هاقاطع لانى هافضل على مبدأى للاخر كدة كدة هانزل مظاهرات ضد اى وحد فيهم هايفوز لان الاثنين ببساطة مجرد ماريونيت الاثنين فى ايد المجلس العسكرى وماحدش يقنعنى انهم مستقلين وبيعارضوا المجلس والهلس دة كل دة مسرحية - زى محاكمة القرن - آلت الى شفيق هانزل الميدان آلت الى الاخوان برضة هانزل الميدان فلما اجى اتمسك ماحدش منهم يعايرنى بتصويتى ليهم وبعد كدة نازلة اتظاهر مجرد مبدأ 

وأنا مش خايفة من الفتح الأسلامى لمصر ولا حذف القران من المناهج ولا الهجايص دى كلها فى بلاوى متلتلة واقفة لو ماتعملتش ثورة القضاء على الاخضر والسيابس هيا التالية .... حجاب اية وتطبيق شرع اية واضافة ايات من الانجيل اية فين البنزين فين الحد الادنى من الرواتب فين السياحة فين الامن فين هممممممممممممممممممممم كبير مايتلم يحلوا البلاوى دى وبعد كدة نبقى نرتعش من جواز القاصرات ومضاجعات الوداع والقرف دة بلا نيلة 

بلا عنوان

 لقد اعتقدت دوما على عكس اراء اخرى جديرة بالاحترام أن الكتاب ليسوا موجدين فى العالم من أجل أن يتوجوا وكثيرا منكم يعلم أن الاحتفاء العام بداية للتحنيط لقد اعتقدت دوما أن الكتاب أصبحوا كتابا لا لأنهم أرادوا ذلك بمحض اراداتهم بل لأنة ابتلتهم مصيبة العجز أن يكونوا شيئا اخر وأن عملنا المنفرد لاينبغى أن نستحق علية مكافأت ولا مزايا أكثر مما يستحقة الاسكافى على صنع الاحذية 

ماركيز من كتابة 

(ما جئت لألقى خطبة )

لن تتحقق العدالة فى هذة البلاد لذلك احلموا بها وهى تحل على الجلادين والقتلة والفاسدين ثم ارووا احلامكم لابنائكم كل ليلة لعلها عندما يكبرون تنتقل بشكل خرافى من عالم النوم الى عالم اليقظة 

بلال فضل من 

مجموعة السيرك المصرى 

هوية حوار

• أن هوية مصر هيا الهوية الاسلامية فقط وليس لديها هوية اخرى ومرجعيتها هيا الاسلام والى مش عاجبة عندة امريكا و ..............
• مقاطعة من انت لتحدد هوية مصر ! ؟ و قدد حددها ربك منذ مئات السنين ففيها نشأة موسى ودارة ومأوى مريم وطفلها عيسى ........ بأى عقل ينشأ ويتربى ويدعو فيها موسى الى ربة ولا يؤمن بعض من اهلها بة ويعتنقوا اليهودية ! كيف تحتمى بها مريم وطفلها من بطش قومها ولا يعتنق اهلها دينهم بل ويكونون من الطوائف الرئيسية لة ! من أنت لتحدد امرا حسمة الله من قبل وجودك لتضيق على اهلها فى عباداتهم وتحدد لهم استمرارهم بالعيش فيها ............... بأى حق تأمرهم بأستأذنك قبل بناء دور عبادتهم لكى تحدد شكلها ووسعها وارتفاعها تخنقهم وتضيق عليهم معتقدا انك بهذا تعلو من شأن الاسلام وتحمية ..... أجبنى 
• لكن أن تركنا الحابل بالنابل اضر ذلك الاسلام واضعفة وسيزيد تأثيرهم بالخلق  وسنضيع 

او كان الاسلام لعدد مساجدة ومأذنة ؟؟؟؟؟؟؟؟! الى هذا الحد انتم مغيبون لماذا لم يضع الاسلام منذ وقت دعوتة فلم تكن فى الجزيرة ولا جامع اذا كانت اجابتك لوجود الرسول فلماذا لم يضع عندما فتح العرب مصر ولم يكن الا الكنائس والاديرة لماذا لم بفتنوا بدين اهل البلاد وتركوا الاسلام كيف فتح العرب الهند بما فيها من وثنيات ومعابد وطوائف مختلفة ؟؟ اقوتنا فى عدد جوامعنا ؟؟ ان الاسلام اقوى من مجرد مسجد وأعلى من التعصب انتشر فى مشارق الارض ومغاربها لتسامحة وعدلة

فتعصبكم وعمى قلوبكم وعقولكم تكرهون الاخرون فى الاسلام فهم لا يرون منة سوى قبح تابعية لستم انتم الاسلام ولن تكونوا 

a7a

طبعا ابدأ كلامى بالأعتذار عن العنوان بس دية اقل كلمة تخرج منك بعد ماتشوف الحلقة دية لانها مهمة فعلا بتقول لكل خبؤ فى وشة قد اية انت حقير وخسيس لأنك قبلت على نفسك انك تكون خبؤ .... لما الدولة تكون مفلسة وحتى ياعينى الاحتياطى بتاعنا راح يبقى الاحتفالات الى هاتحصل بكرة ولحد يوم 11 فبراير - اطول من احتفالات جواز السلطان ايام العز- كل البلالين والكوبونات والفناين والمغنين والف ليلة وليلة الى هانعيشها دى هايتصرف عليها منين!؟؟؟؟ ولا قول من يقول يا هلس او فض اعتصام بالقوة الثروة كلها تبان امال عجلة الانتاج المفسية بقالها مدة وعمالين يوحوحو عليها الوحوحوة راحت فين ؟واية الافورة الى طلع يبكيلى بالدموع على المجلدات الى اتحرقت ....... فية اية ؟ هى مش المجلدات دى الى كتبها بشر ولا عفاريت ماحدش طلع بيعيط بالقهرة دى على الى ماتوا وقتها لية ؟ وماحدش فيهم كان جاهل دة واحد عالم دين وواحد طالب طب وواحد اعلامى ....... اة المصحف بنشوف فية ربنا ونصوصة ومن ضمنها قد اية ربنا قال من قتل نفس بغير حق كانما قتل الناس جميعا مش من حرق الكتاب حتى كتاب الله ربنا بيعزز من اهمية النفس ودول بيعززوا من اهمية الكتاب الى فى الاخر كتبة انسان  الصراحة مرارتى اتفقعت من الى شفتة وسمعتة المرأة مالهاش شرف لأنها جاهلة والتانى بيقولك الخسارة كبيرة دى ماتقلتش فى ماتوا فى اسوء مذبحة من اول مالثورة قامت بنعيط على ورق مش على بنى ادمين 

الفقعة الكبيرة والى خلاص تقريبا هاتشل جيشنا العظيم وقوتنا المتسلحة بتعمل بحديد الطيارات وفولاذ الدبابات 4 حلل وصفاية بطاطس - الردع 2 - وانا بسمع الاعلان الرائع لصفاية البطاطس افتكرت حكاية اتقالتلى عن ان السلطان تيمور المغولى الى احتل تقريبا اسيا كلها وربع اروبا لما جة علشان يحتل مصر على الرغم انة اعد جيش جرار خاف ورجع بجيشة تانى ودة كلة كان بسبب سمعة الجيش والجندى المصرى - وقتها طبعا - ايها السلطان احب اقهرك الجيش الذى اخافك بقى بيصنع الردع 2 الى هيا باختصار 4 حلل وصفاية بطاطس 

كنت فاكرة انى لما سمعت الموضوع دة هو الى هايوقف قلبى بس الى تسبب فى الوقف اكثر ان فى احتفال الف ليلة وليلة دة جنود الجيش المصرى هما الى هايتكرموا لأنهم هم من قاموا بالثورة ....... حسبى الله ونعمة الوكيل 

يسقط يسقط يسقط حكم العسكر 

برواز فاضى

 دى صور بروايز السنة الى فاتت انما السنة دى البرواز لسة فاضى .... وانت فى الميدان وبتقرأ الفاتحة للشهداء ماتنساش تقرأها لنفسك يمكن تكون منهم 

المجد للشهداء